عمرو الدردير يدعو جماهير الأهلي والزمالك للتوقف عن التعصب

نشر الناقد الرياضي عمرو الدردير عبر حسابه الرسمي على موقع فيسبوك رسالة مؤثرة تدعو جماهير الأهلي والزمالك للتوقف عن التعصب وذلك بعد وفاة لاعب مودرن سبورت أحمد رفعت. وقال الدردير:" بعد وفاة احمد رفعت وهو موجوع نفسياً ربنا يرحمه ويغفر له ويسكنه فسيح جناته.. أخويا الاهلاوي : مش خلاص كده جه الوقت اللى المفروض تراجع نفسك فيه وتسيب محمود علاء فى حاله.. ممكن بعد اذنك تسيب شيكابالا فى حاله.. ممكن بعد اذنك تسيب رمضان صبحى فى حاله.. أخويا الزملكاوي: ممكن تطلع كهربا وإمام عاشور من دماغك حتى لو انت شايف أنهم مش متأثرين برضه انت متعرفش ايه جوه الإنسان.. خلاص يا جماعة بلاش حرب نفسيه وبلاش تكون مساهم فى تدمير نفسية إنسان حتى لو الإنسان ده انت شايف إنه مستفز أو يستحق انك تدمره نفسيا.. دنيا فانية يا صاحبي لا للتعصب". وكان أحمد رفعت لاعب نادي مودرن سبورت قد توفى أمس السبت بعد صراع مع المرض.