إبراهيم سعيد: إمكانيات أفشة أقوى من رونالدو

امتدح الإعلامي إبراهيم سعيد نجم النادي الأهلي محمد مجدي أفشة بعد مستواه اللافت في مباراة نهائي السوبر المصري أمام الزمالك. وفاز الأهلي على الزمالك في المباراة بركلات الجزاء الترجيحية بنتيجة 7-6 بعد انتهاء الوقت الأصلي والإضافي بالتعادل السلبي 0-0 ليحصد المارد الأحمر كأس السوبر المصري للمرة ال15 في تاريخه. وقال إبراهيم سعيد عبر قناة "النهار":"عايز أهنىء أفشة على أداءه في مباراة السوبر المصري، مع أنه شارك في وقت قليل جدًا ولكن كان مؤثر، تحسه أنه راجل بركة كدة". وأضاف مازحاً:"أفشة عمل احتفال كريستيانو رونالدو الشهير، أنت أجمد منه، والعضلة مقوية قلبك، والحركة اللي عملها كان الفرق بينهم في الطول بس، بس كإمكانيات أقوى من رونالدو". وأكمل:"أفشة من الشخصيات المحبة للنادي، وبيشتغل لصالح الفرقة حتى لو لعب ربع ساعة، بيقاتل وبيموت نفسه وعايز يكسب فرقته عشان كدة ربنا بيوفقه، طول مانت بتساعد فرقتك، وبتساند زمايلك ربنا هيقف معاك". وأتم:"رغم الظروف اللي بتحصل معاه الفترة الأخيرة أنه مش بيشارك بصورة أساسية، وأنه عايز يلعب ويشارك في وقت أكبر بس الراجل بيجتهد، حتى ركلة الترجيح دخل سدد وهو عنده ثقة في نفسه".